7 Maji 2024

Rezart Kthupi në një emision televiziv komentoi rezolutën e Ramës për luftën anti-korrupsion ku kërkoi sot bashkëpunimin e opozitës në parlament. Sipas tij, rezoluta kërkon t’i jap parlamentit rol mbikqyrës ndaj institucioneve të pavarura të drejtësisë.

‘Ka një grup pune në parlament që kishte detyrë të bënte ndryshime në paketën e reformës në drejtësi. Amendamentet e tyre u kontestuan nga OPDAT dhe Euralius. Draftoi një amendament të ri në 2023 e cila mori një kontestim tjetër nga faktori ndërkombëtar. Kjo rezolutë mund të bëhej dhe para një viti. Por sot jemi në kushtet ku ka mbetur vetëm një person pa shkuar në SPAK, Rama, të gjithë kanë shkuar. Në momentin që kryeministri cënohet në veten e parë, problemi kohor përkon me disa fakte, që bëjnë të mendosh që kryeministri kërkon një kauzë të re elektorale.

Të gjitha këto gjëra të bën të mendosh që kryeministri nuk është i kënaqur me punën e SPAK. Rezoluta kërkon ti jap parlamentit një rol mbikqyrës, ndaj institucioneve të pavarura ligjzbatuese. Shoh rrezikun konkret që në një moment të caktuar kohor të futen disa shkopa nën rrotat e SPAK’, tha Kthupi.